Batzuetan, kantagile baten lan jakin batzuek arrakasta lortzen dutenean, ondorio tamalgarri bat eragiten du gainontzeko obra guztietan. Arrakasta horren dizdirak ez du uzten sortzaile horren lana bere osotasunean ezagutzen, eta hainbat ale, merezimendu osoz arrakasta maila bera izateko duin direnak, itzalpean mantentzen dira, inoren arreta erakartzea lortu gabe.
Euskal kantagintzan ere badira horrelako kasuak, oihartzun eskasa izan duten artelanak aurkitzen dira ezagunago bihurtu diren kanta haien artean, garai bateko disketako "B" aldea osatzen zutenak.
Kantaldi honen bidez, kantu horiek suspertu nahi izan ditut, maitasunez betetako begirada batekin.
iruzkinik ez:
Argitaratu iruzkina